“Ushtarët homoseksualë ishin pjesërisht përgjegjës për mos ndalimin e masakrës së kryer nga serbët e Bosnjes”. Kështu është shprehur para senatit amerikan, John Sheehan, komandant i lartë i NATO-s në vitet 1990.

Duke dëshmuar para një komisioni të senatit amerikan, Sheehan ka deklaruar se një fakt të tillë ia ka thënë ish shefi i shtabit të ushtrisë holandeze. Sipas këtij të fundit, trupat holandeze dështuan të ndalonin masakrën e Srebrenicës në vitin 1995 ku u vranë gati 8 mijë burra myslimanë, pjesërisht për faktin se batalioni i tyre përfshinte ushtarë homoseksualë.

Ai tha se trupat holandeze që shërbyen si paqeruajtës së OKB-së dhe ishin të ngarkuar të mbronin Srebrenicën ishin të pafuqishëm dhe të keq drejtuar. Ambasadorja e Holandës në Shtetet e Bashkuara, Renee Jones-Bos nuk ra dakord me komentet e gjeneralit Sheehan.

Ambasadorja tha se është krenare për politikën e hapur të vendit të saj ndaj homoseksualëve në ushtri.

Një zëdhënës i Ministrisë së Mbrojtjes së Holandës, Roger van de Wetering i tha Zërit të Amerikës se komentet e gjeneralit ishin totalisht të pakuptimta.(Shekulli)

Sllovenia po bën ende përpjekje për të ulur për herë të parë në një tryezë të përbashkët udhëheqësit e Kosovës dhe Serbisë gjatë një takimi rajonal në fundjavë në qytetin slloven të Bërdos.

Drejtori për marrëdhënie me publikun në Ministrinë e Jashtme të Sllovenisë, Urosh Mahkovec, i tha BBC-së se po vazhdojnë përpjekjet për të siguruar pjesëmarrjen e Serbisë në konferencën e udhëheqësve të Ballkanit.

Por ai tha se pavarësisht nga vendimi i Serbisë, takimi në Slloveni do të mbahet, organizatorët thonë se shumica e të ftuarve tashmë e kanë konfirmuar pjesëmarrjen.

Autoritetet serbe e kanë kushtëzuar pjesëmarrjen e tyre me kërkesën që Kosova të paraqitet në konferencë vetëm mbi bazën e Rezolutës 1244 dhe jo si një vend i pavarur.

Udhëheqësit e institucioneve të Kosovës kanë deklaruar se do të marrin pjesë në konferencë vetëm në cilësi të barabartë me të gjitha vendet e tjera të rajonit.

BBC: Deri ku kanë arritur përpjekjet për organizimin e konferencës?

Urosh Mahkovec: Ne ende po përpiqemi që t’i kemi të gjithë. Deri sot shumica nga pjesëmarrësit e kanë konfirmuar pjesëmarrjen, por një zgjidhje përfundimtare shpresojmë të gjendet deri nga fundi i kësaj jave.

BBC: Ju thoni zgjidhja përfundimtare, çfarë nënkupton ajo?

Urosh Mahkovec: Qëllimi ynë është që të mbledhim të gjithë pjesëmarrësit e ftuar, përfshirë këtu edhe Serbinë.

BBC: Pra, ende keni problem që të keni Serbinë në bord?

Urosh Mahkovec: Puna rreth kësaj çështjeje ende po vazhdon.

BBC: Cili është skenari, a do të paraqiten këta pjesëmarrës në bazë të shteteve apo në bazë të emrave të tyre personalë?

Urosh Mahkovec: Kjo gjithashtu është duke u harmonizuar dhe në këtë fazë është ende e vështirë të thuhet. Por qëllimi i konferencës është që të mblidhen të gjithë udhëheqësit e rajonit dhe kjo do të shënonte herën e parë në këto 18 apo 20 vitet e fundit që ata të ulen së bashku.

BBC: Pra, ju jeni shumë optimist se do të arrini t’i keni edhe pjesëmarrësit nga Kosova dhe Serbia në konferencë?

Urosh Mahkovec: Duhet të jeni optimist nëse doni që të keni një takim të tillë.

BBC: Por cili është qëllimi kryesor që të organizoni një konferencë të tillë?

Urosh Mahkovec: Qëllimi kryesor është që të ulim së bashku në një konferencë të gjithë udhëheqësit e rajonit, posaçërisht në raport me BE-në. Dhe mendoj se kjo është një porosi shumë e qartë nga pikëpamja evropiane. Gjithashtu ky samit është punuar në një bashkëpunim të ngushtë me presidencën spanjolle, e cila parasheh që në qershor të këtij viti të organizojë një takim të ngjashëm të udhëheqësve të rajonit.

BBC: Si një prej oragnizatorëve kryesorë të kësaj konference, Sllovenia…

Urosh Mahkovec: Kjo konferencë është një ngjarje e përbashkët e Sllovenisë dhe Kroacisë, e dy kryeministrave të të dyja vendeve.

BBC: Por çfarë mund të bëjë Sllovenia në lehtësimin e marrëdhënieve ndërmjet vendeve të rajonit të Ballkanit, marrë parasysh të kaluarën?

Urosh Mahkovec: Sllovenia është i vetmi anëtar i plotë i BE-së nga rajoni dhe ajo mund të ndajë përvojën e saj me të gjitha vendet e tjera të rajonit që edhe ato t’i bashkohen BE-së.

BBC: A është kjo konferencë një lloj rasti i mirë për t’u takuar për herë të parë udhëheqësit e Kosovës dhe të Serbisë?

Urosh Mahkovec: Ne shpresojmë. Sinqerisht shpresojmë të jetë kështu.

BBC: Dhe ju jeni përfundimisht optimist që ta keni Serbinë në këtë konferencë?

Urosh Mahkovec: Po, kjo është e sigurt.

BBC: Por çka nëse Serbia nuk do të marrë pjesë në këtë konferencë?

Urosh Mahkovec: Takimi do të zhvillohet gjithsesi. Nuk do të ketë problem. Takimi është i sigurt dhe ajo do të mbahet. I takon Serbisë që të vendosë se në çfarë niveli dhe në ç’mënyrë do që të marr pjesë.(Shekulli)

Milloshoski viziton Prishtinën dhe flet për Korridorin e Tetë
Maqedonia ka bërë të ditur nga Prishtina kërkesën ndaj Tiranës zyrtare për një “cak” të sajin në Portin e Durrësit. Pas ridimensionimit të portës shqiptare kryesore për në Adriatik, dhe ndërtimit të rrugës Durrës-Kukës-Prishtinë-Merdare, shefi i diplomacisë së Shkupit ka kërkuar dje zyrtarisht hyrjen e tij në klubin e vendeve që përfitojnë nga korridori që përfundon në qytetin bregdetar shqiptar. “Ka një interes të përbashkët për të dyja vendet nëse shfrytëzojmë infrastrukturën. Por duhet të punojmë për zhvillimin e Korridorit të Tetë, sepse një shfrytëzim maksimal i portit mund të negociohet, pasi të ndërtohet hekurudha që lidh Shkupin me Durrësin. Ky është prioritet i qeverisë sime për vitet e ardhshme”, u shpreh Milloshoski.

Vizita
Ministri i Jashtëm maqedonas ka vizituar dje Kosovën, ku ka marrë pjesë në hapjen zyrtare të ambasadës së vendit të tij në Prishtinë. Milloshoski shprehu mbështetjen e Shkupit për tërësinë territoriale të Kosovës dhe u angazhua për ngritjen e marrëdhënieve më të mira në shumë fusha. Pas takimit me ministrin e Punëve të Jashtme të Kosovës, Skënder Hyseni, Milloshoski shprehu përkushtimin e vendit të tij për bashkëpunim të ngushtë me Kosovën në fushën e ekonomisë, transportit dhe energjetikës. Njëherësh ai u zotua për paqe në rajon, si dhe për miqësi e bashkëpunim. “Maqedonia dhe Kosova kanë pozicione të ngjashme për çështjet rajonale. Kemi orientime të përbashkëta për të bashkëpunuar në nivelin bilateral, që si synim do të ketë stabilitet më të madh, paqe, bashkëpunim dhe një zhvillim më të rritur ekonomik në rajonin e Ballkanit Perëndimor”, theksoi Milloshoski, duke ofruar ndihmë për transferimin e përvojave për arritjen e kritereve për liberalizimin e vizave në Kosovë. “Hapja e ambasadës për ne është akt solemn dhe orientues i ri në marrëdhëniet tona”, tha Milloshoski. Nga ana e tij, ministri Hyseni theksoi se Kosova dhe Maqedonia do të bashkëpunojnë në fusha të ndryshme me interes të ndërsjellë. “Jemi pajtuar që ta intensifikojmë bashkëpunimin. Është e rëndësishme që të dyja vendet të përçojnë mesazhe të mira, si një shembull bashkëpunimi sistematik”, nënvizoi Hyseni. Ai kërkoi intensifikimin e bashkëpunimit në të gjitha fushat, ku të dyja vendet do të kenë përfitime të caktuara. Milloshoski është takuar edhe me kryeparlamentarin Jakup Krasniqi. Hapjen e ambasadës së Maqedonisë në Kosovë, Presidenti Sejdiu e vlerësoi si një moment të veçantë në zhvillimin e marrëdhënieve në mes të dyja shteteve sovrane. “Hapja e ambasadës së Maqedonisë në Prishtinë është një moment i veçantë në zhvillimin e marrëdhënieve në mes të dyja shteteve tona sovrane dhe kemi kënaqësinë që sot në Kosovë vjen ministrin Milloshoski”, theksoi Presidenti Sejdiu. Presidenti Sejdiu foli edhe për përvojat e Maqedonisë në rrugën e integrimeve, duke thënë se ato do të jenë të rëndësishme edhe për Kosovën, sidomos sa i përket rrugëtimit drejt NATO-s dhe Bashkimit Europian. Duke folur për komunikimin shumë të mirë në mes të dyja vendeve, Presidenti Sejdiu tha se njerëzit e biznesit, të shkencës, të kulturës nga Kosova dhe nga Maqedonia kanë lëvizur edhe më herët sesa politika dhe është me rëndësi që janë krijuar baza të mira të komunikimit dhe strukturë legjislative mbështetëse nga të dyja vendet.
(shqip)

“Kemi nevoje per solidaritetin evropian per te luftuar spekullimin financiar”. Keshtu eshte shprehur kryeministri grek Papandreou, ne Budapest, pasi eshte takuar me kolegun hungarez, Gordon Bajnai.

Ai ka dashur te theksoje se Greqia nuk ka nevoje per para, por per mjete financiare qe te japin stabilitetin dhe rritjen ne periudhe te gjate./tch/

Sekretarja amerikane e Shtetit Hillari Klinton hodhi poshte zerat se marredheniet mes SHBA-se dhe Izraelit ndodhen ne krize pas mosmarreveshjeve mes dy vendeve ne lidhje me ndertimin e vendbanimeve te reja ne Jeruzalemin Lindor.

“Te dy kombet kane detyrime te ngushta dhe te pandashme, por megjithate SHBA deshiron qe, si Izraeli ashtu edhe palestinezet te provojne qellimet e tyre te mira per procesin e paqes ne rajon”, eshte shprehur Klinton ne nje deklarate per shtyp nga Uashingtoni.

Deklarata e kryediplomates amerikane ka ardhur ne diten e perleshjeve mes palestinezeve dhe forcave te sigurise izraelite, ku te pakten 90 palestineze u plagosen dhe 60 te tjere u vune nen pranga dhe 24 ore pas anulimit te vizites te te derguarit te posacem te SHBA-se ne Lindjen e Mesme, Xhorxhe Mitchell./tch/

Procesi i numerimit te votave ne Irak eshte drejt prefundimit, ndersa zyrtaret e Komisionit Elektoral ne Bagdad shprehen se ka nje ekuiliber te madh mes dy forcave kryesore politike.

E gjithe beteja zhvillihet mes ish kryeministrit Ayad Alawi dhe kryeministrit aktual Nuri al Maliki. Zyrtaret njoftojne se Alawi ka nje diference te paperfillshme prej 9 mije votash nga 4.2 milion flete votimi.

Megjithate ndarja administrative e vendit duket se do te luaje rol vendimtar ne percaktimin e fituesit. Al Maliki zoteron mbeshtetjen e zonave kryesore ne vend./tch/

Nje lekundje termeti ka shqetesuar mengjesin e sotem banoret e Akuilas, ne Itali.

Lajmin e bejne te ditur mediat lokale, sipas te cilave termeti ishte 2.7 balle i shkalles Rihter.

Sipas te njejtave burime, lekundja u ndje edhe ne qytezat Lukoli, San Panfilo dhe Tornimparte.

Vitin e kaluar nje termet i fuqishem perfshiu rajonin e Abrucos ne vendin fqinj, duke shkaktuar qindra te vdekur dhe duke shkaterruar banesat e qytetit te Akuilas.

(t.ch)

Komisioni Qendror Zgjedhor ka shpallur te henen, ne oret e para te mengjesit, rezultatet paraprake te zgjedhjeve per kryetar te komunes se Gjilanit, qe nxjerrin fitues me 58% te votave kandidatin e PDK-se Qemajl Mustafa, kundrejt 42% te votave, qe ka fituar kandidati i LDK-se, Fatmir Rexhepi.

Sipas Telegraf, kryetarja e KQZ-se, Nesrin Lushta deklaroi se pas numerimit te tyre, nga fundi i javes, pritet te jepen rezultatet perfundimtare.

Lushta ka vleresuar se ne raundin e trete te zgjedhjeve per kryetar te Gjilanit nuk ka pasur parregullsi, qe do te mund te kishin ndikuar ne rezultatin e pergjithshem.

Komisioni Qendror i Zgjedhjeve ne Kosove njoftoi se nga gjithsej 87 mije e 430 votuesit potenciale te Gjilanit, deri ne oren 19:00 kur edhe jane mbyllur kutite e votimit ne 127 vendvotimet, te drejten per te votuar e kane shfrytezuar 41,3 per qind, perkatesisht 35 mije e 876 votues./tch/

TIRANË – Shqipëria brenda pesë vjetësh pritet të bëhet një fuqi energjike. Kësaj radhe këtë gjë nuk e thotë Kryeministri Berisha por Qeveria italiane. Në një dokument zyrtar që ajo i ka dorëzuar Bashkimit Europain thuhet se brenda 5 viteve të ardhshme, Italia parashikon të importojë nga Shqipëria afro tre miliardë kilovat orë energji në vit.

Dokumenti, është përgjigje e kërkesave të BE-së për energjinë e rinovueshme. Në prill të vitit të kaluar, Parlamenti Europian dhe Këshilli i Europes vendosen që brenda vitit 2020, më shumë se 20 per qind e energjisë që konsumohet në Bashkimin Europian të prodhohet nga burime të rinovueshme, të cilat nuk shkaktojnë ndotje mjedisore, duke caktuar edhe kuotat për secilin shtet.

Disa shtete të BE-së kanë nisur me realizimin e këtij plani, ndërsa disa të tjera si Italia, ende jo. Ndaj shteti fqinj, informon BE-në mbi hapat që është duke bërë për energjinë, dhe në këtë dokument përmendet edhe Shqipëria si vend nga do të importohet energjia.

Sasia e energjisë që Italia planifikon të prodhojë në Shqipëri është jashtëzakonisht e lartë. Për këtë pritet që të nisin nga zbatimi marrëveshjet e Berluskonit me Berishën në Tiranë vitin që kaloi për ngritjen e parkut të erës në zonën e Vlorës centralit me biomasë në Lezhe apo dhe disa projekte te tjera HEC-esh. Shqipëria përfiton nga këto projekte hapjen e vendeve të punës dhe rritje të të ardhurave në buxhetin e shtetit nga taksat që do derdhin firmat energjetike italiane. Ndërkohë, mjaft analistë kundërshtojn ngritjen e këtyre parqeve në vendin tonë për shkak të shkatërrimit të ambientit.

______________

Italia e paqartë për centralin atomik

Italia ka shprehur interesin e saj për një central atomik në Shqipëri, por ende nuk ka ide të qartë nëse do të ngrihet në vendin tonë apo jo. Ministri i Jashtëm Franko Fratini, gjatë konferencës “Skenaret e zhvillimit të rajonit përreth Adriatikut dhe Ballkanit”, duke iu përgjigjur interesit të mediave ka thënë se ende nuk është saktësuar gjë, por sipas tij Italia ka hyrë në bisedime me disa partnerë, mes tyre edhe Shqipëria.
“Po, qeveria italiane është pro ndërtimit të centraleve të reja atomike në shtëpinë e saj, e kështu edhe në Shqipëri dhe Slloveni. Janë vendosur kontaktet për të konkretizuar këto hipoteza”- ka thënë Fratini, duke shtuar se po diskutohet edhe mundësia për centralin KRSKO në Slloveni.

Deklarata per central atomik ne Shqiperi u publikua edhe gjate vizites se kryeministrit Sali Berisha ne Itali dhe konferences direkte qe zhvilloi me homologun italian, Berluskoni. Nderkohe, ne prill te vit te shkuar, Fratini konfirmoi interesin e Italise per të bashkëpunuar me Shqipërinë për disa projekte strategjike për ndërtimin e centraleve bërthamore. “Ne duam të bëjmë shumë më tepër në bashkëpunimin ekonomik mes dy vendeve, përshembull në infrastrukturë dhe në bashkëpunimin për energjinë. Ne jemi shumë të interesuar për zhvillimin e energjisë bërthamore”, tha ministri Frattini. Në këtë drejtim, ai vuri në dukje se “edhe Shqipëria është e gatshme të bashkëpunojë me disa projekte strategjike, të cilat janë shumë të rëndësishme”- tha ai./shekulli/

PARIS – Një gjë është e sigurtë. Zgjedhjet i fitoi abstenimi. Kështu shkruan sot gazeta më e madhe franceze Le Monde. Sipas saj, një në dy votues abstenuan. Abstenimi shkon deri në 55 për qind dhe kjo është përqindja më e lartë e regjistruar ndonjehere në Francë.

Në mesin e atyre që votuan, sipas parashikimeve fillestare, Partia Socialiste është në avantazh me 29,1% të votave ndërsa UMP 27,3%, të votave. Kështu, humbja e partisë së presidentit Nicolas Sarkozy duket qartë që në parashikimet fillestare të ditës së sotme. /shekulli/