Më shumë se 500 milionë kontakte në më pak se dy orë. Në këtë mënyrë ka dalë jashtë funksionit faqja e internetit qe regjistron kërkesa për 17.500 bileta gratis për të ata që duan të jenë të pranishëm në funeralin e Majkëll Xheksonit.

Ceremonia do të zhvillohet të martën në dy arena të Los Anxhelesit: “Staples Center” dhe teatri Nokia. Tim Leiueki, drejtor ekzekutiv i “AEG Live” (firmë që ka në pronësi të dy ambientet dhe që kishte bindur Xheksonin të mbante 50 koncerte duke nisur nga korriku në Londër), ka bërë të ditur se hyrjet do të bëhen të mundura përmes një llotarie.

Orgnizatorët kanë deklaruar se biletat do të caktohen në mënyrë të rastësishme mes emrave të atyre që do të jenë regjistruar në faqen e internetit të “Staples Center”. Do të zgjidhen 8.750 emra dhe secili do të marrë dy bileta.

Ndërkaq mësohet se arkivoli i Xheksonit do të jetë i larë në ar, me vlerën e 25 mijë dollarëve./reuters/

Popularity: 1% [?]