Kuvendi i Shqipërisë votoi sonte për 7 anëtarët e Komisionit Qendror Zgjedhor. Ndërkohë që kryetar i KQZ me votimin e fshehtë të deputetëve u zgjodh Arben Ristani. Në garë përballë tij ishte Albana Vokshi.

Kuvendi votoi për anëtarë të KQZ-së Hysen Osmanajn dhe Vera Shtjefnin të propozuara nga PD, Deshira Subashin dhe Artan Lazen, të propozuara nga PS, Klement Zgurin të propozuar nga PR dhe Pavli Zerin e Pandeli Varfin të propozuara nga PSD. Për kryetarin e KQZ-së, garë ishin Arben Ristani dhe Albana Vokshi, ku me shumicë votash fitoi Ristani.

Po sonte Kuvendi votoi edhe dekretin e presidentit Topi, për emërimin e Admir Thanzës si anëtar i Gjykatës Kushtetuese. Votimi u bë pa debate dhe pa kontestime. Ashtu si për anëtarët e rinj të KQZ, o votua në mënyrë elektronike, të fshehtë, edhe për anëtarin e ri të Kushtetueses.(Gazeta Shekulli)

Popularity: 4% [?]