Kryetari i Partise Socialiste Edi Rama deklaron se kryeministri Sali Berisha nuk ka marre nje mandat te dyte nga shqiptaret ne zgjedhjet e 28 qershorit. Ne nje konference te minutave te fundit nga selia e PS, Rama thekson se vete Berisha e konfirmoi se ka nisur perpjekjen per te ‘peshkuar’ nga ana tjeter individe per te zgjeruar koalicionin, por ai tha se ka shume pak besim se Berisha t’ia dale. “Pasi te marrim verdiktin e popullit do te kuptojme perfundimisht se Berisha nuk do te jete me kryeministri i shqiptareve”, u shpreh Rama. Duke folur per situaten ne Fier dhe duke pershendetur te gjithe mbeshtetesit socialiste atje, Rama theksoi se ne kete qark, PS ka fituar 9 mandate duke qene ne avantazh historik ndaj Partise Demokratike. “Ne e kundershtojme rezultatin ne Shkoder dhe Berat; do t’i ndjekim keto ceshtje ne rruge ligjore dhe do te pergatisim te gjithe paketen e kontestimeve. Per ato zona ku kemi arsye te besojme se ka patur parregullsi do te bejme gjithe perpjekjet ligjore per t’i nxjerre ne driten e diellit”, paralajmeroi Rama. Sipas tij, kur te lexohet drejtesisht vota e popullit, atehere PS nuk do ta kete problem per te pranuar humbjen nese vertete eshte keshtu. (tch)

Popularity: 1% [?]