Presidenca çeke e Bashkimit Evropian vendosi dje të mos thërrasë sesionin e negociatave për pranimin e Kroacisë në BE të planifikuar për nesër, sepse nuk ka asnjë kapitull të negociatave që mund të hapet apo të mbyllet për shkak të bllokadës sllovene ndaj negociatave.

”Presidenca çeke shpreh keqardhjen se përkundër përpjekjeve të shumta nga ana e Komisionit Evropian, nuk është bërë përparim në negociatat e pranimit”, deklaroi një burim i presidencës.

Kjo është hera e parë që kur Kroacia filloi negociatat në tetor të vitit 2005 që nuk mbahet një sesion pranimi gjatë një gjashtëmujori të presidencës së BE-së.

Sllovenia po bllokon 13 kapitujt e negocimit, nëntë nga të cilat janë gati për hapje dhe katër për mbyllje, si gjithmonë me të njëjtin shpjegim, që me dorëzimin e dokumenteve të Kroacisë për në BE paragjykohet çështja e demarkacionit kufitar.

”Mosmarrëveshja e kufirit mbetet një çështje dypalëshe që vetëm Sllovenia dhe Kroacia mund ta zgjidhin”, deklaroi presidenca çeke, duke shtuar se mungesa formale e përparimit në negociata nuk pasqyron përparimet aktuale të Kroacisë.(shekulli)

Popularity: 1% [?]