ATHINË- Një bombë shpërtheu sot në mëngjes përpara një zyre shërbimesh fiskale në lagjen Ambelokipi, pranë qendrës së Athinës, duke shkaktuar dëme materiale. Gjysmë ore përpara shpërthimit në orën lokale 04:37 , që u shoqërua edhe me një zjarr të fuqishëm, disa të panjohur i telefonuan dy të përditshmeve greke për t’i njoftuar për këtë shpërthim, sipas të njëjtit burim.
Shërbimet antiterroriste të policisë u ngarkuan me hetimet. Atentatet me lëndë shpërthyese apo djegëse janë të shpeshta në Athinë dhe Selanik (veri) dhe shpesh u hidhen grupeve të ekstremit të majtë ose lëvizjes anarkiste. Ato venë shpesh në shënjestër qendra diplomatike, ndërtesa të interesit publik, banka ose degë të kompanive të ndërtimit të automobilave.
Aktet e dhunës kontestuese dhe atentatet janë shtuar në Greqi që pas vdekjes dhjetorin e kaluar të një adoleshenti, të vrarë pas një gabimi policor në lagjen Exarchia, në qendër të kryeqytetit. Vdekja e tij shkaktoi trazira urbane gjatë disa javëve. /shekulli/

Popularity: 1% [?]