ROMË- Të paktën 14 persona mbetën të vdekur, dhe të tjerë u plagosën rëndë, pas shperthimit në stacionin e trenit ne Viareggio ne Itali. Dy ndërtesa pranë vendit të aksidentit u rrëzuan, njoftoi agjencia e lajmeve ANSA, duke shtuar se një pjesë e viktimave ishin në këto dy ndërtesa.
Drejtoria e hekurudhave njoftoi përmes një komunikate se një nga vagonët e trenit kishte dalë nga shinat duke tërhequr edhe katër vagonë të tjerë. Ndërkohë një sasi gazi i lëngshëm ka rrjedhur nga një cisternë në një nga vagonët duke u përfshirë më pas nga flakët.
Mes viktimave mësohet se tre janë fëmijë, trupat e të cilëve janë gjetur tashmë. Mijëra persona që banonin pranë vendit ku ndodhi shpërthimi janë evakuuar, ndërkohë që situata sipas zjarrfikësve është përshkruar dramatike dhe shumë e vështirë për të ndërhyrë. (shekulli)

Popularity: 1% [?]