Mijera marinsa amerikanë dhe qindra forca afgane po marrin pjesë në operacion, i cili filloi të enjten në mëngjes me një ofensivë nga ajri dhe nga toka. Marinsat amerikanë pësuan viktimat e para gjatë një ofensive të madhe të ndërmarrë në pjesët që kontrollohen nga Talibani në Afganistanin jugor.
Zyrtarë të ushtrisë amerikane thanë se një marins u vra dhe disa të tjerë u plagosën kur po zinin pozicione pranë bazave të Talibanit në provincën Helmand.

Mijra marinsa amerikanë dhe qindra forca afgane po marrin pjesë në operacion, i cili filloi të enjten në mëngjes me një ofensivë nga ajri dhe nga toka.

Zyrtarët thanë se trupat hasën në qendresë sporadike nga ana e militantëve dhe po vazhdojnë operacionet e spastrimit në rajonin e luginës së lumit Helmand.

Ky është operacioni i parë i madh pas rishikimit të strategjisë për Afganistanin të ndërmarrë nga administrata Obama, e cila synon të mposhtë kryengritjen e rigjallëruar talibane.

Operacioni i djeshëm shkaktoi shqetësime në Pakistanin fqinj. Ushtria pakistaneze tha se kishte mobilizuar një pjesë të trupave për të eliminuar militantët që largoheshin nga provinca Helmand./voa/

Popularity: 1% [?]