PARIS – Avioni i ‘Air France’ nuk është copëtuar në ajër, por është shkatërruar vetëm pasi është përplasur me shpejtësi në oqean. Kjo është e verteta që flet përkundër asaj që është menduar deri tani për avionin AF 447 që u zhduk në fluturim muajin e kaluar teksa ishte nisur nga Rio de Zhanero drejt Parisit. Faktet u publikuan sot nga hetuesit francez të kësaj çështje, gjatë një konference për shtyp.

Sipas Alain Bouillard, drejtues i grupit hetimor, aeroplani nuk është shkatërruar ndërsa ishte në fluturim. “Duket se ai ka prekur sipërfaqen e ujit në drejtimin e fluturimit me një shpejtësi të madhe vertikale”, sqaroi më tej.

Avioni Airbus me numër fluturimi “AF 447″ u zhduk nga radarët gjatë fluturimit nga Rio de Zhaneiro drejt Parisit më 1 qershor. Shkaqet e tragjedisë ajrore ku humbën jeën 228 persona në bord, mbeten ende të panjohura. Po ajo ç’ka thuhet me bindje nga hetuesit është se avioni ka qenë i pa dëmtuar deri në momentin përpara se të prekte ujin.

Hetuesi Bouillard, tha gjithashtu se “deri tani besohej që kontrolli i avionit mund të kishte kaluar nga kontrolluesit brazilianë të trafikut ajror te kolegët e tyre të Senegalit, por kjo në fakt nuk ka ndodhur”. Sipas tij, pilotët e avionit kishin tentuar tri herë të kontaktonin me një sistem kontrolli në kryeqytetin e Senegalit, Dakar, por këto përpjekje kishin dështuar. “Kjo nuk është normale”, deklaroi ai, duke shtuar se hetuesit po përpiqeshin gjithashtu të zbulonin arsyet përse alarimi u dha gjashtë orë pas zhdukjes së avionit nga radarët”. Kërkimet për gjetjen e kutive të zeza të avionit “Airbus A330″ do të vazhdonin deri më 10 korrik./Rojters/

Popularity: 1% [?]