ROMË – Policia italiane ka arrestuar sot një 32 vjeçar shqiptar me inicialet D.V, të cilit iu sekuestruan në banesë sende me vlerë të madhe monetare që i kishte vjedhur nëpër banesa. I arrestuari bënte pjesë në një bande që vidhnin shtëpitë e pasanikeve dhe VIP-ve. Shqiptari dyshohet se ka vjedhur shtëpinë e ish futbollistit të njohur të Lacios, Giuseppe Signori.

Në apartamentin e tij, policia gjeti shumë objekte me vlere, sende prej ari, mermeri etj. me vlere 200 mijë euro. “Nuk perjashtohet mundesia që hajduti shqiptar të ketë grabitur edhe shtepinë e Renzo Arbore”, shkruajnë mediat italiane që i referohen policisë së Romës. Ajo që iu ra në sy karabinieëve ishte edhe arredimi i shtëpisë së arrestuarit një fans e Toni Mantanës i cili jetonte si ‘Njeriu me shenjë’, film që interpretohet nga Al Pacino. /shekulli/

Popularity: 1% [?]