Drejtuesi i Milanit ka folur mbi merkaton e kuqezinjve duke zbuluar se kanë refuzuar një shifër të majme për Paton. Zëvendëspresidenti i Milanit, Adriano Galiani, ka pohuar se klubi i tij ka refuzuar një ofertë me shifër të lartë për sulmuesin brazilian, Aleksandre Pato, kurse ka bërë të ditur se tani për tani, për Andrea Pirlon nuk ka asnjë ofertë konkrete.
“Milani këtë vit ka refuzuar një ofertë marramendëse për Paton, por nuk do të them se cili klub e ka bërë këtë ofertë”, ka thënë Galiani, duke shtuar:
“Sa i përket Andrea Pirlos nuk kemi asnjë ofertë zyrtare, as nga Çelzi dhe as nga ndonjë klub tjetër. Pirlo është futbollist i Milanit, prandaj Gago nuk mund të jetë shënjestra jonë. Nëse Pirlo shkon, atëherë do të shohim si do të rrjedhin gjërat dhe çfarë do blejmë” tha Galliani. (tuttomercatoweb)

Popularity: 1% [?]