Një grua nga Uganda ka sjellë në jetë fëmijën e saj, teksa ishte duke udhëtuar me avion nga Amsterdami në Boston. Ngjarja ka ndodhur natën e ndërrimit të viteve dhe sigurisht që kjo nuk ka kaluar pa bërë bujë. Lajmin e ka njoftuar Bbc online, sipas të cilës lindja ka shkuar për mrekulli.

Gruaja dhe vetë foshnja kanë qenë me shumë fat, pasi në bord udhëtonin edhe dy mjekë. Ndërkohë, si e duan këto raste, në ndihmë kanë ardhur edhe pasagjerët e tjerë, të cilët janë treguar të gatshëm për të dhënë ndihmën e kërkuar nga mjekët.

Madje, nuk kanë mbetur mënjanë as ekuipazhi, që ka ndjekur me shumë emocion lindjen jo të zakontë.

Gruas i nisën dhimbjet e lindjes, pak kohë pasi kishte nisur udhëtimi. Ndërkohë që lindja që nuk mund të harrohet u finalizua në qiellin e Kanadasë. Është kjo arsyeja që vajza e sapolindur do të ketë shtetësi kanadeze dhe do të jetë një qytetare e këtij vendi. Të sapolindurës iu vu emri Sasha dhe mjekët treguan se gëzon shëndet të plotë, së bashku me të ëmën. Sipas mjekeve vazja peshon 2 kg e 700 gram. “Hapi syte dhe dukej e lumtur”- tregoi nje nga mjeket qe e priti, duke shtuar se edhe ne mungese te salles se lindjes dhe mjeteve te nevojshme gjithcka shkoi fare mire.
Me pas, nene e bije u transportuan ne spital, fill pas zbritjes nga avioni.

Gazeta Shekulli

Popularity: 12% [?]