Kur Nick Vujicic lindi pa krahë dhe këmbë, edhe prindërit e tij mezi arrinin ta shihnin me sy. Babai i tij doli nga dhoma e maternitetit për të vjellë, ndërsa mamaja nuk pranoi ta merrte në krahë, derisa ai u bë 4-muajsh. Por, pavarësisht kësaj, pavarësisht handikapit për të jetuar gjithë jetën pa gjymtyrët e sipërme dhe të poshtme, Nick, që tani është 26 vjeç, nga Melburni i Australisë, është i lumtur. Tabloidi britanik “The Sun”, ka treguar historinë e tij, duke publikuar dhe fotot e tij, ndërsa noton, luan golf dhe qesh me shakatë e një “kolegeje” bionde, Bethany Hamilton, edhe ajo nuk ka një krah, por jo nga lindja, por nga një aksident. Nick-u ka një këmbë të vogël në fund të anës së majtë, e cila i jep një ndihmesë thelbësore në jetën e përditshme: 26-vjeçari e përdor për të shkruar, për të marrë objekte të ndryshme, për të bërë pothuajse gjithçka. “Është thembra ime e Akilit, do të isha i humbur pa të,”- bën shaka Nick-u, i cili tani jeton në Los Anxhelos. Por, jeta e Nick-ut nuk ka qenë gjithnjë ashtu si është tani. “Kur shihja nënën time të trishtuar, shkova tek ajo dhe i thashë se doja të vdisja, që doja të vrisja veten,”- tregon Nick-u. “E urrej Zotin, sepse më kishte bërë këtë dhe isha i terrorizuar nga ideja që një ditë prindërit e mi nuk do të ishin më. Ndërsa tani gjithçka është ndryshe”.(shekulli)

Popularity: 1% [?]